Tunizia: OKB nuk arrin të garantojë të drejtat e Palestinës

23:49 | 22 Shtator 2020
Arbresh.info

Presidenti i Tunizisë, Kais Saied, ka deklaruar se Kombet e Bashkuara (OKB), që kur u themeluan, nuk kanë arritur të garantojnë të drejtat e palestinezëve për të rikthyer territoret e tyre të pushtuara nga Izraeli, transmeton Anadolu Agency (AA).

Në seancën e 75-të të Asamblesë së Përgjithshme të OKB-së, përmes një video-lidhjeje Saied tha se të drejtat e palestinezëve në tokën e tyre nuk janë realizuar gjatë gjithë historisë së OKB-së.

Lidhur me politikën botërore, ai tha se marrëdhëniet ndërkombëtare nuk mund të qeverisen më nga të njëjtat parime të shekujve të kaluar.

“Është koha të mendojmë së bashku për të ardhmen e njerëzimit dhe të largojmë padrejtësitë në botë”, shtoi Saied.

Debati i Asamblesë së Përgjithshme të OKB-së është planifikuar të zhvillohet deri më 29 shtator.

Shpërndaje në rrjete sociale

Lajmet më të lexuara

Të ngjashme

Foto lajm